POUVISIA

POUVISIA

vulgo POWIS incolis, Pomisland Anglis regioi fuit Angliae, in Wallia, et antiquitus Reges habuit proprios, tempore Roderici Magni A. C. 870. Sub ea erat regio Pomis, terraque omnis Vagae Sabrinaeque fluminibus interiecta. Ab Austro et Occasu hiemali, Walliâ australi, fluminibusque Vagâ et Tiviô, ac aliis terminis inclusa fuit, ab Arcto Guinetiâ seu Venedotiâ, et ab ortu Angliae confiniis a Cestria usque ad Vagam paulo supra Herefordiam terminabatur; et postea in Pouvisiam Vadociam, Vadoc, Pouvisiam inter Vagam et Sabrinam fluvios, et Pouvisiam Venvidiam, Wenminmyn, divisa fuit; eiusque primaria urbs erat Mathramal. a qua etiam dicta fuit aliquando ipsa regio, teste Ieanne Spedô; ibique sunt nunc Comitatus Radnoria, Herefordia, Montgomeriensis, et pars occidentalis Salopiensis, teste Hunfredô Lhuydô.